ಜನ ಧನ್ ಖಾತೆಗೆ 'ಆಧಾರ್' ಲಿಂಕ್ ಮಾಡದಿದ್ದರೆ ಇಂದೇ ಮಾಡಿ: ತಪ್ಪಿದರೆ ₹1 ಲಕ್ಷ ವಿಮೆ ಇಲ್ಲ!
ಜನ್-ಧನ್ ಖಾತೆದಾರರಾಗಿದ್ದಲ್ಲಿ ನಿಮ್ಮ ಖಾತೆಗೆ ಆಧಾರ್ ಅನ್ನು ಲಿಂಕ್ ಆಗಿದೆಯೋ ಇಲ್ಲವೋ ಎಂಬುದನ್ನು ಮೊದಲು ಖಾತರಿಪಡಿಸಿಕೊಳ್ಳಿ. ಒಂದು ವೇಳೆ ನಿಮ್ಮ ಖಾತೆಗೆ ಆಧಾರ್ ನಂಬರ್ ಲಿಂಕ್ ಆಗಿಲ್ಲದೇ ಇದ್ದರೆ, 1.3 ಲಕ್ಷ ರೂಪಾಯಿ ಮೊತ್ತದ ವಿಮಾ ಸೌಲಭ್ಯದಿಂದ ವಂಚಿತರಾಗುವಿರಿ.
✍️ಮಲ್ಲಪ್ಪ ಪಟ್ಟಣಶೆಟ್ಟಿ
ಜನ್-ಧನ್ ಖಾತೆದಾರರು ತಿಳಿಯಲೇಕಾದ ಪ್ರಮುಖ ಮಾಹಿತಿ ಇದೆ. ನೀವು ಜನ್-ಧನ್ ಖಾತೆದಾರರಾಗಿದ್ದಲ್ಲಿ ನಿಮ್ಮ ಖಾತೆಗೆ ಆಧಾರ್ ಅನ್ನು ಲಿಂಕ್ ಆಗಿದೆಯೋ ಇಲ್ಲವೋ ಎಂಬುದನ್ನು ಮೊದಲು ಖಾತರಿಪಡಿಸಿಕೊಳ್ಳಿ. ಒಂದು ವೇಳೆ ನಿಮ್ಮ ಖಾತೆಗೆ ಆಧಾರ್ ನಂಬರ್ ಲಿಂಕ್ ಆಗಿಲ್ಲದೇ ಇದ್ದರೆ, 1.3 ಲಕ್ಷ ರೂಪಾಯಿ ಮೊತ್ತದ ವಿಮಾ ಸೌಲಭ್ಯದಿಂದ ವಂಚಿತರಾಗುವಿರಿ.
(ಪ್ರಧಾನ ಮಂತ್ರಿ ಜನ್-ಧನ್ ಯೋಜನೆ (ಪಿಎಂಜೆಡಿವೈ) ಫಲಾನುಭವಿಗಳಿಗೆ ರುಪೇ ಡೆಬಿಟ್ ಕಾರ್ಡ್ ನೀಡಲಾಗುತ್ತದೆ. ಇದರಲ್ಲಿ 1 ಲಕ್ಷ ರೂಪಾಯಿವರೆಗೆ ಅಪಘಾತ ವಿಮೆ ಲಭ್ಯವಿದೆ. ಆದರೆ, ನೀವು ನಿಮ್ಮ ಖಾತೆಯನ್ನ ಆಧಾರ್ ಕಾರ್ಡ್ನೊಂದಿಗೆ ಲಿಂಕ್ ಮಾಡದಿದ್ದರೆ, ಈ ಸೌಲಭ್ಯ ದೊರೆಯುವುದಿಲ್ಲ.
ಇದಲ್ಲದೇ ಜನ್-ಧನ್ ಖಾತೆಯಲ್ಲಿ ನೀವು 30,000 ರೂಪಾಯಿವರಗೆ ಆಕ್ಸಿಡೆಂಟಲ್ ಡೆತ್ ಇನ್ಸೂರೆನ್ಸ್ ಸೌಲಭ್ಯ ಪಡೆಯುತ್ತೀರಿ. ಈ ಸೌಲಭ್ಯ ಕೂಡ ಆಧಾರ್ ಕಾರ್ಡನ್ನು ಬ್ಯಾಂಕ್ ಖಾತೆಗೆ ಲಿಂಕ್ ಮಾಡಿದ ನಂತರವೇ ಲಭ್ಯವಾಗುವುದು.
ಇದಲ್ಲದೇ ಜನ್-ಧನ್ ಖಾತೆಯಲ್ಲಿ ನೀವು 30,000 ರೂಪಾಯಿವರಗೆ ಆಕ್ಸಿಡೆಂಟಲ್ ಡೆತ್ ಇನ್ಸೂರೆನ್ಸ್ ಸೌಲಭ್ಯ ಪಡೆಯುತ್ತೀರಿ. ಈ ಸೌಲಭ್ಯ ಕೂಡ ಆಧಾರ್ ಕಾರ್ಡನ್ನು ಬ್ಯಾಂಕ್ ಖಾತೆಗೆ ಲಿಂಕ್ ಮಾಡಿದ ನಂತರವೇ ಲಭ್ಯವಾಗುವುದು.
ಜನ್- ಧನ್ ಖಾತೆಯನ್ನು ಆಧಾರ್ನೊಂದಿಗೆ ಲಿಂಕ್ ಮಾಡುವುದು ಹೇಗೆ?
ನಿಮ್ಮ ಜನ್- ಧನ್ ಖಾತೆಯನ್ನು ಆಧಾರ್ಗೆ ಲಿಂಕ್ ಮಾಡಲು ಮೂರು ಮಾರ್ಗಗಳಿವೆ.
- 1. ನೀವು ಬ್ಯಾಂಕಿಗೆ ಹೋಗಿ ಖಾತೆಯನ್ನು ಆಧಾರ್ಗೆ ಲಿಂಕ್ ಮಾಡಿಸಬಹುದು. ನಿಮ್ಮ ಆಧಾರ್ ಕಾರ್ಡ್ ಮತ್ತು ಪಾಸ್ಬುಕ್ನ ಜೆರಾಕ್ಸ್ ಪ್ರತಿ ತೆಗೆದುಕೊಂಡು ನಿಮ್ಮ ಬ್ಯಾಂಕ್ ಶಾಖೆಗೆ ನೀಡಿದರೆ, ಅಲ್ಲಿಯೇ ಲಿಂಕ್ ಮಾಡಲಾಗುತ್ತದೆ.
- 2. ಮೊಬೈಲ್ ಮೆಸೇಜಿಂಗ್ ಮೂಲಕವೂ ಆಧಾರ್ ನಂಬರ್ ಅನ್ನು ಬ್ಯಾಂಕ್ ಖಾತೆಗೆ ಲಿಂಕ್ ಮಾಡುವ ಅನೇಕ ಬ್ಯಾಂಕುಗಳಿವೆ..!
- ಎಸ್ಬಿಐ ಗ್ರಾಹಕರು ತಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಯನ್ನ ಬಳಸಬಹುದು. ಯುಐಡಿ ಆಧಾರ್ ಸಂಖ್ಯೆ ಖಾತೆ ಸಂಖ್ಯೆಯನ್ನ ಟೈಪ್ ಮಾಡಿ 567676 ಗೆ ಕಳುಹಿಸಬಹುದು. ಆಗ ನಿಮ್ಮ ಬ್ಯಾಂಕ್ ಖಾತೆಯನ್ನ ಆಧಾರ್ಗೆ ಲಿಂಕ್ ಮಾಡಲಾಗುತ್ತದೆ. ನೀವು ಬ್ಯಾಂಕ್ ಮತ್ತು ಆಧಾರ್ ಕಾರ್ಡ್ನಲ್ಲಿ ವಿಭಿನ್ನ ಮೊಬೈಲ್ ಸಂಖ್ಯೆಗಳನ್ನ ನೀಡಿದ್ದರೆ ನಿಮ್ಮ ಖಾತೆಯನ್ನು ಲಿಂಕ್ ಮಾಡಲಾಗುವುದಿಲ್ಲ ಎಂಬುದನ್ನು ನೆನಪಿಡಿ.
- 3. ನಿಮ್ಮ ಬ್ಯಾಂಕ್ ಖಾತೆಯನ್ನ ನಿಮ್ಮ ಹತ್ತಿರದ ಎಟಿಎಂನೊಂದಿಗೆ ಲಿಂಕ್ ಮಾಡಬಹುದು
- ಜನ್-ಧನ್ ಖಾತಗೆ ಅಗತ್ಯವಾದ ದಾಖಲೆಗಳು
ಆಧಾರ್ ಕಾರ್ಡ್ ಅಥವಾ ಪಾಸ್ಪೋರ್ಟ್ ಅಥವಾ ಚಾಲನಾ ಪರವಾನಗಿ ಅಥವಾ ಪ್ಯಾನ್ ಕಾರ್ಡ್, ಮತದಾರರ ಕಾರ್ಡ್, ಎನ್ಆರ್ಇಜಿಎ ಜಾಬ್ ಕಾರ್ಡ್, ಖಾತೆ ತೆರೆಯಲು ಗೆಜೆಟೆಡ್ ಅಧಿಕಾರಿ ನೀಡಿದ ಪತ್ರ, ಜೊತೆಗೆ ಪ್ರಾಧಿಕಾರದಿಂದ ನೀಡಲಾದ ಪತ್ರ, ಹೆಸರು, ವಿಳಾಸ ಮತ್ತು ಆಧಾರ್ ಸಂಖ್ಯೆ ಅಗತ್ಯವಾಗಿವೆ. - ಏನಿದು ಜನ್-ಧನ್ ಖಾತೆ: ಜನ್-ಧನ್ ಖಾತೆಯಲ್ಲಿ 5000 ರೂ. ಓವರ್ಡ್ರಾಫ್ಟ್ ಸೌಲಭ್ಯ ನೀಡಲಾಗುತ್ತದೆ
ಓವರ್ಡ್ರಾಫ್ಟ್ ಸೌಲಭ್ಯವನ್ನ ಪಡೆಯಲು, ಆಧಾರ್ ಕಾರ್ಡ್ ಹೊಂದಿರುವುದು ಅವಶ್ಯಕ. ಇದಲ್ಲದೆ, ಪಿಎಂಜೆಡಿವೈ ಖಾತೆಯನ್ನ ಆಧಾರ್ ಕಾರ್ಡ್ಗೆ ಲಿಂಕ್ ಮಾಡಬೇಕು. ಪ್ರಧಾನಿ ಮೋದಿಯವರ ಮುಖ್ಯ ಉದ್ದೇಶವೆಂದರೆ, ಭಾರತದ ಪ್ರತಿಯೊಂದು ಕುಟುಂಬಕ್ಕೂ ಬ್ಯಾಂಕ್ ಖಾತೆ ತೆರೆಯುವುದು. ಇದರಿಂದ ಅವರಿಗೆ ಎಲ್ಲಾ ಸರ್ಕಾರಿ ಯೋಜನೆಗಳ ಲಾಭ ಸಿಗುತ್ತದೆ. ಪಿಎಂ ಜನ್-ಧನ್ ಯೋಜನೆಯಡಿ ನೀವು 10 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಗುವಿನ ಖಾತೆಯನ್ನು ಕೂಡ ತೆರೆಯಬಹುದು.