ನವದೆಹಲಿ - 2010 ರಲ್ಲಿ ಸರ್ಕಾರದಿಂದ ನಿಷೇಧಕ್ಕೊಳಗಾದ ಭಯೋತ್ಪಾದಕ ಸಂಘಟನೆ 'ಇಂಡಿಯನ್ ಮುಜಾಹಿದ್ದೀನ್' ಸಹ-ಸಂಸ್ಥಾಪಕ ಅಬ್ದುಲ್ ಸುಭಾನ್ ಖುರೇಶಿಗೆ ದೆಹಲಿ ಹೈಕೋರ್ಟ್ ಜಾಮೀನು ನೀಡಿದೆ. ಭಾರತೀಯ ದಂಡ ಸಂಹಿತೆಯ ಸೆಕ್ಷನ್ 436-ಎ ನೀಡಿರುವ ಪರಿಹಾರದಿಂದ ಆರೋಪಿಯು ಗಂಭೀರ ಅಪರಾಧದ ಆರೋಪಿಯಾಗಿರುವ ಕಾರಣದಿಂದ ವಂಚಿತನಾಗಲು ಸಾಧ್ಯವಿಲ್ಲ ಎಂದು ನ್ಯಾಯಾಲಯ ಹೇಳಿದೆ. ನ್ಯಾಯಮೂರ್ತಿಗಳಾದ ಸುರೇಶ್ ಕುಮಾರ್ ಕೈಟ್ ಮತ್ತು ಮನೋಜ್ ಜೈನ್ ಅವರ ಪೀಠವು ಐದು ವರ್ಷಗಳ ಜೈಲುವಾಸದ ಅವಧಿಯನ್ನು ಪರಿಗಣಿಸಿತು ಮತ್ತು ಜಾಮೀನಿನ ನಿಯಮಗಳು ಮತ್ತು ಷರತ್ತುಗಳನ್ನು ವಿಚಾರಣಾ ನ್ಯಾಯಾಲಯ ನಿರ್ಧರಿಸುತ್ತದೆ ಎಂದು ನಿರ್ದೇಶಿಸಿತು. ಖುರೇಶಿಯನ್ನು 2019 ರಲ್ಲಿ ಬಂಧಿಸಲಾಯಿತು. ಅವರು ಆರೋಪಿಸಲಾದ ಅಪರಾಧಗಳಿಗೆ 5 ವರ್ಷಗಳು ಗರಿಷ್ಠ ಶಿಕ್ಷೆಯಾಗಿದೆ. ಅವರು ಈ ಅವಧಿಯನ್ನು ಬಹುತೇಕ ಪೂರೈಸಿದ್ದರಿಂದ, ನ್ಯಾಯಾಲಯವು ಅವರ ಜಾಮೀನನ್ನು ಅನುಮೋದಿಸಿತು.
ಅಬ್ದುಲ್ ಸುಭಾನ್ ಖುರೇಷಿ ಯಾರು?
ನಿಷೇಧಿತ ಭಯೋತ್ಪಾದಕ ಸಂಘಟನೆಯಾದ ‘ಸಿಮಿ’ ಪುಸ್ತಕ ಮತ್ತು ಲೇಖನಗಳನ್ನು ಪ್ರಕಟಿಸುತ್ತಿತ್ತು. ಖುರೇಷಿ ಈ ಪ್ರಕಟಣೆಗಳ ಸಂಪಾದಕರಾಗಿದ್ದರು. ಆತ ‘ಇಂಡಿಯನ್ ಮುಜಾಹಿದೀನ್’ ಸಹ ಸಂಸ್ಥಾಪಕ ಎಂದು ದೆಹಲಿ ಪೊಲೀಸರು ಮಾಹಿತಿ ನೀಡಿದ್ದಾರೆ. ಭಾರತದಲ್ಲಿ ಇಸ್ಲಾಮಿಕ್ ಸ್ಟೇಟ್ ಸ್ಥಾಪಿಸುವುದು ಈ ಭಯೋತ್ಪಾದಕ ಸಂಘಟನೆಯ ಉದ್ದೇಶವಾಗಿತ್ತು. 2010 ರಲ್ಲಿ, 'ಇಂಡಿಯನ್ ಮುಜಾಹಿದ್ದೀನ್' ಅನ್ನು ನಿಷೇಧಿಸಿದಾಗ, ಖುರೇಷಿ 'ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ' ಎಂಬ ಮತ್ತೊಂದು ಭಯೋತ್ಪಾದಕ ಸಂಘಟನೆಯನ್ನು ಸೇರಿಕೊಂಡರು. ಈ ಸಂಘಟನೆಯು 2047 ರ ವೇಳೆಗೆ ಭಾರತವನ್ನು ಇಸ್ಲಾಮಿಕ್ ಸ್ಟೇಟ್ ಮಾಡಲು ಬಯಸಿದೆ. ಈಗ ಸರ್ಕಾರವು ಈ ಸಂಘಟನೆಯನ್ನೂ ನಿಷೇಧಿಸಿದೆ.
