ಈ ದಿನದ ಮಹತ್ವ

ಈ ದಿನದ ಮಹತ್ವ

ನವೆಂಬರ್ 9

ವಿಶ್ವ ಸ್ವಾತಂತ್ರ್ಯ ದಿನ

1989ರಲ್ಲಿ ಈ ದಿನದಂದು, ಬರ್ಲಿನ್ ಗೋಡೆಯನ್ನು ರದ್ದುಗೊಳಿಸಿದಾಗ ಇತಿಹಾಸದಲ್ಲಿ ಮಹತ್ವದ ಘಟನೆ ನಡೆಯಿತು. ಗೋಡೆಯು ಸುಮಾರು ಮೂರು ದಶಕಗಳ ಕಾಲ ಕುಟುಂಬಗಳು ಮತ್ತು ಸಮುದಾಯಗಳನ್ನು ಪ್ರತ್ಯೇಕಿಸಿತು. ಇದು ಪ್ರಜಾಪ್ರಭುತ್ವ ಮತ್ತು ಸ್ವಾತಂತ್ರ್ಯ ದ ಉದಯವನ್ನು ಮತ್ತು ಪೂರ್ವ ಯುರೋಪಿನಲ್ಲಿ ಕಮ್ಯುನಿಸಂನ ಪತನವನ್ನು ಸೂಚಿಸಿತು.

ಎರಡನೆಯ ಮಹಾಯುದ್ಧದ ನಂತರ ಬರ್ಲಿನ್ ಗೋಡೆಯ ಪತನದ ನೆನಪಿಗಾಗಿ ವಿಶ್ವ ಸ್ವಾತಂತ್ರ್ಯ ದಿನವನ್ನು ರಚಿಸಲಾಗಿದೆ. ಇದು ಪೂರ್ವ ಮತ್ತು ಮಧ್ಯ ಯುರೋಪಿನಾದ್ಯಂತ ಕಮ್ಯುನಿಸಂನ ಅಂತ್ಯವನ್ನು ಗುರುತಿಸಿ, ಎಲ್ಲರಿಗೂ ಸ್ವಾತಂತ್ರ್ಯವನ್ನು ಖಾತ್ರಿ ಪಡಿಸಿತು. ಈ ದಿನವನ್ನು 2001ರಲ್ಲಿ ಅಮೇರಿಕಾ ಅಧ್ಯಕ್ಷ ಜಾರ್ಜ್ ಡಬ್ಲ್ಯೂ ಬುಷ್ ಅವರು ಫೆಡರಲ್ ಆಚರಣೆಯಾಗಿ ಸ್ಥಾಪಿಸಿದರು.

2ನೇ ವಿಶ್ವ ಸಮರ ಮುಗಿದ ನಂತರ, ಜರ್ಮನಿಯನ್ನು ಪೂರ್ವ ಮತ್ತು ಪಶ್ಚಿಮ ಜರ್ಮನಿ ಎಂದು ವಿಂಗಡಿಸಲಾಯಿತು. ಪಶ್ಚಿಮ ಜರ್ಮನಿಯನ್ನು ಅಮೆರಿಕನ್ನರು, ಫ್ರೆಂಚರು ಆಕ್ರಮಿಸಿಕೊಂಡರು. ಪೂರ್ವ ಜರ್ಮನಿಯು 1949 ರಲ್ಲಿ ಸ್ವತಂತ್ರ ರಾಷ್ಟ್ರವಾಗಿ ಸ್ಥಾನಮಾನವನ್ನು ಪಡೆದುಕೊಂಡಿತು ಮತ್ತು ಬರ್ಲಿನ್ ನಗರವು ಸೋವಿಯತ್-ನಿಯಂತ್ರಿತ ಜರ್ಮನಿಯ ಭಾಗವಾಯಿತು.

ಪೂರ್ವ ಬರ್ಲಿನ್‌ನಿಂದ ಪಶ್ಚಿಮ ಬರ್ಲಿನ್‌ಗೆ ಮತ್ತು ಪಶ್ಚಿಮ ಯುರೋಪ್‌ನ ಉಳಿದ ಭಾಗಗಳಿಗೆ ಜನರ ವಲಸೆಯನ್ನು ತಡೆಯಲು ಗೋಡೆಯನ್ನು ರಚಿಸಲಾಯಿತು. 1961ರಿಂದ 1989ರವರೆಗೆ, ಅಂದಾಜು 5,000 ಜನರು ಬರ್ಲಿನ್ ಗೋಡೆಯ ಮೂಲಕ ತಪ್ಪಿಸಿಕೊಂಡರು. ಈ ಸಂದರ್ಭದಲ್ಲಿ 100ಕ್ಕೂ ಹೆಚ್ಚು ಜನರು ಸಾವನ್ನಪ್ಪಿದರು. 1989ರಲ್ಲಿ, ಪೂರ್ವ ಜರ್ಮನಿಯಲ್ಲಿ ಪ್ರಯಾಣದ ನಿರ್ಬಂಧಗಳು ಸಡಿಲವಾದವು.

ಅಂತಿಮವಾಗಿ 9 ನವೆಂಬರ್ 1989ರಂದು ಈ ಗೋಡೆ ಕುಸಿಯಿತು. ಒಂದು ವರ್ಷದ ನಂತರ, ಜರ್ಮನಿ ಮತ್ತೆ ಒಂದೇ ಪ್ರದೇಶವಾಯಿತು.

ದಿನಕ್ಕೊಂದು ಪ್ರಶ್ನೆ

• ಎಲ್.ಪಿ.ಕುಲಕರ್ಣಿ, ಬಾದಾಮಿ

• ಮಾನವರಲ್ಲಿ ಮಂಗನ ಕಾಯಿಲೆಯ ಮೊದಲ ಪ್ರಕರಣವು ಯಾವ ದೇಶದಲ್ಲಿ ದಾಖಲಾಗಿದೆ?

ಎ. ಭಾರತ.

ಬಿ. ಶ್ರೀಲಂಕಾ.

ಸಿ. ಉಗಾಂಡಾ

ಡಿ. ಡಿಆರ್‌ಸಿ

ಉತ್ತರ: ಡಿ. ಡಿಆರ್‌ಸಿ.

ದಿನಕ್ಕೊಂದು ಮಾಹಿತಿ

ಸಮುದ್ರಮಟ್ಟದಲ್ಲಿರುವ ನೆದರ್ಲ್ಯಾಂಡ್

ನೆದರ್ಲ್ಯಾಂಡ್ ಯುರೋಪ್ ನಲ್ಲೇ ಅತ್ಯಂತ ತಗ್ಗು ಪ್ರದೇಶವಾಗಿದೆ. ಅದರ ಸುಮಾರು ಮೂರನೇ ಒಂದು ಭಾಗವು ಸಮುದ್ರ ಮಟ್ಟಕ್ಕಿಂತ ಕೆಳಗಿದೆ. ಇಲ್ಲಿನ ಜುಯಿಡ್‌ಪ್ಲಾಸ್ ಪೋಲ್ಡರ್ ಸಮುದ್ರ ಮಟ್ಟಕ್ಕಿಂತ 6.7 ಮೀಟರ್‌ಗಳಷ್ಟು ಕೆಳಗಿದೆ. ವಾಕ್ಸರ್ಬಗ್್ರ ಬೆಟ್ಟ, ಸಮುದ್ರ ಮಟ್ಟದಿಂದ 323 ಮೀಟರ್ ಎತ್ತರದಲ್ಲಿದೆ. ನೆದರ್ಲ್ಯಾಂಡ್‌ನ ಶೇ 50ರಷ್ಟು ಭೂಮಿ ಸಮುದ್ರ ಮಟ್ಟದಿಂದ ಕೇವಲ ಒಂದು ಮೀಟ‌ರ್ ಎತ್ತರದಲ್ಲಿದೆ ಮತ್ತು ಅಲ್ಲಿನ ಶೇ 60ರಷ್ಟು ಜನಸಂಖ್ಯೆ ಸಮುದ್ರ ಮಟ್ಟಕ್ಕಿಂತ ಐದು ಮೀಟರ್ ಕೆಳಗೆ ವಾಸಿಸುತ್ತದೆ. ದೇಶದ ಪ್ರಮುಖ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣವಾದ ಶಿಪೋಲ್ ವಿಮಾನ ನಿಲ್ದಾಣವು ಸಮುದ್ರ ಮಟ್ಟದಿಂದ ಮೂರು ಮೀಟರ್‌ಗಿಂತಲೂ ಹೆಚ್ಚು ಕೆಳಗಿದೆ.